A Consellería de Educación, Universidade e Formación Profesional da Xunta de Galicia e a Fundación Paideia Galiza a través de Estudios Mans, promoven os XVII Premios á Excelencia Musical Mans Futuro 2022.
Estes premios teñen como obxectivo o recoñecemento do esforzo e a posta en valor dos méritos dos/as artistas noveis galegos/as que veñen de rematar os estudos de música nos Conservatorios Superiores de música da Comunidade Autónoma de Galicia.
De acordo coas bases dos “XVII Premios á excelencia musical Mans Futuro 2022” establecidas ao abeiro do Convenio entre a Xunta de Galicia, a través da Consellería de Cultura, Educación, Formación Profesional e Universidades, e a Fundación Paideia Galiza para a colaboración educativa nas ensinanzas profesionais e superiores de música, do 7 de xullo de 2022; o tribunal cualificador destes premios tras a análise das gravacións acordou, por unanimidade, conceder os seguintes premios:
- Primeiro premio: Mencía Resch Pérez (frauta travesa)
- Primeira mención de honra: Iván Quintana Vázquez (saxofón)
- Segunda mención de honra: Marta Diéguez Varela (clarinete)
Noraboa! Estaremos en contacto con todos vos a través do correo contacto@estudiosmans.com o chamando ao 981 910 100.
